Disa fshatra në Kosovë janë në gjendje alarmante pas reshjeve të shiut të mbrëmjes së sotme.
Siç shihet edhe në videot e publikuara në rrjetet sociale, fshatrat Bresanë, Zaplluxhë, Kuk, Kullibeg, Blaç dhe fshatra të tjera të Dragashit, ku uji ka hyrë dhe brenda banesave.
Nga ana tjetër qytetarët shprehen se gjendja është mjaft e rëndë dhe se shiu ka shkaktuar dëme të shumta.
Institucionet e sigurisë kanë apeluar për kujdes të shtuar, për shkak të situatës së emergjencës.
