Një aksident i rëndë në punë ka ndodhur në provincën e Catanzaro, në Itali.
Një punëtor 61-vjeçar ka prerë venën e qafës me sharrë elektrike, teksa ka tentuar të presë një pemë.
Mediat italiane bëjnë me dije se 61-vjeçari ka humbur kontrollin e sharrës elektrike, duke bërë kështu që të godasi qafën.
Burri u trajtua fillimisht në spitalin Soveria Mannelli, më pas u transferua me ambulancë ajrore në spitalin Catanzaro ku iu nënshtrua një operacioni delikat.
61-vjeçari aktualisht ndodhet i shtruar në spital nën vëzhgimin e mjekëve. /vizionplus.tv
