Presidenti ukrainas Volodymyr Zelensky tha se i kishte kërkuar kryeministrit hungarez Viktor Orban, i cili po viziton Kievin, të arrijë një “armëpushim” me Rusinë.
“Kam ftuar Hungarinë dhe kryeministrin Orbán të bashkohen me përpjekjet që po bëhen” për të pritur një samit të ri paqeje nga Ukraina, tha Zelensky në fjalimin e tij të përditshëm.
Lexo edhe :
Related Posts
Zëvendës shefi i kabinetit të presidentit të Ukrainës, Ikhor Zovkva, konfirmoi se Zelensky “dëgjoi” propozimin e armëpushimit të Orbanit, por “i shprehu qëndrimin e tij në përgjigje të planit të paqes të propozuar që nga fillimi i luftës nga Zelensky “.
Ai kërkon që trupat ruse të tërhiqen nga territori ukrainas, zyrtarët rusë të gjykohen nga një gjykatë ndërkombëtare dhe të paguhen dëmet nga Moska, propozime që Rusia i refuzon.
Meqenëse ai plan nuk arriti të fitonte mbështetjen e vendeve të Jugut gjatë një samiti të paqes të mbajtur në qershor në Zvicër pa Rusinë, Zelensky tha se po punonte për një plan të ri për t’i dhënë fund konfliktit në mënyrë që të “mbështetet nga shumica” e komunitetit ndërkombëtar.
Presidenti rus Vladimir Putin ka propozuar zgjidhjen e tij: që Ukraina të lëshojë pesë rajone, disa prej të cilave janë nën pushtimin rus, dhe të braktisë planet e saj për t’u bashkuar me NATO-n, një propozim i refuzuar si nga Kievi, ashtu edhe nga Perëndimi.
Megjithatë, Zelensky i përshkroi rezultatet e bisedimeve me Orban si “të mira”.
“Ne shohim se marrëdhëniet midis Ukrainës dhe Hungarisë janë (sot) krejtësisht të ndryshme: ato janë konkrete dhe ne marrim parasysh nevojat e të dy vendeve,” tha ai./vizionplus.tv
