Një nga personazhet më famëkeq të botës së krimit, i konsideruar si i paprekshëm, Astrit Avdylaj është arrestuar këtë të shtunë nga Forcat Operacionale dhe RENEA në banesën e tij në Shijak.
Kreu i një prej bandave më të rrezikshme në vend, është prangosur pasi ndaj tij Gjykata e Posaçme kishte caktuar masën e sigurisë “arrest me burg” në mungesë, në kuadër të dosjes Revanshi, në të cilën SPAK ka goditur disa grupe kriminale, bosë të krimit të organizuar, politikanë, biznesmenë etj.
Lexo edhe :
Related Posts
Pas ndërhyrjes në vilën e tij, 50-vjeçari Astrit Avdylaj është shoqëruar me pranga në duar drejt komisariatit të policisë.
Atij i është sekuestruar edhe një pistoletë.
Në kuadër të dosjes Revanshi, SPAK lëshoi 50 urdhra arresti, nga të cilat janë ekzekuguar vetëm 20.
Në këte operacion, u goditën 7 grupe kriminale, në mesin e tyre Ervis Martinajn, grupin e Avdylajve, Endrit Doklen, vëllezërit Durim dhe Valter Bami, ish-deputetin e PS-se Arben Ndoka dhe të afërm të tij.
Sipas hetimeve banda e Avdylajve në Shijak bashkëpunonte me atë të Bajrave në Shkodër dhe Ndokajve në Lezhë, për ekzekutimin e Durim Bamit. Ndërkohë në zbërthimet e përgjimeve doli në pah edhe përplasja e ashpër mes Avdylajve dhe bosit të lojërave të fatit Ervis Martinaj, të cilët më heret kishin qënë miq.
Astrit Avdylaj dhe vëllai i tij Altini konsiderohen dy persona mjaft të rrezikshëm. Altin Avdylaj u arrestua në vitin 2018 gjatë operacionit “Volvo 4” për laboratorin e kokainës që u gjet ne Has por dosja mbeti pezull për një kohë të gjatë duke çuar në skadimin e afateve të paraburgimit./vizionplus.tv
