Në veri të Kosovës janë shfaqur postera me fotografinë e presidentit të Serbisë, Aleksandër Vuçiç, shoqëruar me mesazhin “komandant suprem, po të presim”.
Posterët e tillë janë hasur në Mitrovicë të Veriut, Leposaviç, Zveçan dhe Zubin Potok, katër komunat me shumicë serbe. I menjëhershëm ka qenë edhe reagimi i ministrit të Punëve të Brendshme Xhelal Sveçla.
“I paskan ngjitur tinëz gjatë natës disa postera në veri të Kosovës. Aty thonë që po e presin presidentin e Serbisë të vijë duke e quajtur ‘komandant’. Nëse është nisur pa kërkesë te ministria jonë e Punëve të Jashtme dhe Diasporës, edhe ne po e presim të vijë dhe mund ta vizitoni në burg, ku ai i ka tashmë disa miq”, shkruan ministri i Brendshëm i Kosovës./vizionplus.tv
