Camila Cabello është në një fazë shumë të mirë të karrierës së saj, pasi sapo ka dalë në treg albumi i saj i katërt, ku mori pjesë për herë të parë në festivalin muzikor Glastonbury .
Këngëtarja 27-vjeçare tha për BBC se ishte pak nervoze për këtë herë të parë, pasi “nuk dinte çfarë të priste nga turma”, por në fund mbeti e kënaqur me rezultatin.
Në prononcimet e saj për kamerën e BBC-së, ajo iu referua pjesëmarrjes së artisteve femra në festivalin e famshëm, i cili për herë të parë këtë vit priti dy headliner femra, Dua Lipa dhe SZA .
Ajo iu përgjigj një pyetjeje nëse qëndrimi i njerëzve ndaj artisteve femra është i ndryshëm sesa ndaj kolegëve të saj meshkuj:
“ Padyshim që mendoj se ata na trajtojnë ndryshe, por përgjigja është më e ndërlikuar. Mendoj se përmes vështirësive kanë dalë në pah këta artistë të jashtëzakonshëm si SZA dhe Dua Lipa dhe të gjithë të tjerët që po dalin tani.
Ne duhet të përshtatemi në mes të vështirësive dhe kështu bëjmë shfaqje të shkëlqyera, sepse punojmë dhjetë herë më shumë për t’u parë, marrë seriozisht dhe respektuar .”
Ajo e njeh rëndësinë e përshtatjes së grave ndaj kushteve të punës dhe zhvillimit personal me të cilat përballen, duke shtuar se për shkak të këtij presioni të ndryshëm nën të cilin janë gratë artiste, ato përshtaten dhe bëhen më të mira.
Cabello u bë e famshme përmes amerikanit X Factor në vitin 2012 dhe që nga viti 2016 u largua nga grupi i vajzave Fifth Harmony në të cilin ishte bashkuar, për të vazhduar karrierën e saj solo. Ajo aktualisht është duke punuar me Drake dhe Lil Nas X./vizionplus.tv
