Presidenti kinez Xi Jinping mbrojti të mërkurën Bashkimin Evropian, gjatë takimit të tij në Pekin me kryeministrin francez, Bernard Cazeneuve, duke gjykuar se ndërtimi evropian mbetet qëllimi i Historisë pavarësisht Brexit, sipas burimesh diplomatike.
Pekini, ku BE-ja është partneri i parë tregtar para SHBA-së, kërkon që Kontinenti i Vjetër të vazhdojë të mbetet një pikë stabiliteti dhe shqetësohet për rreziqet e shpërbërjes së projektit evropian përballë rritjes së nacionalizmave.
“Presidenti kinez insistoi fuqishëm mbi nevojën e Evropës në Botë, mbi nevojën e një Evrope solide”, njoftuan disa burime diplomatike që ishin të pranishme në takimin mes Xi Jinping dhe Bernard Cazeneuve.
“Ndërtimi evropian është qëllimi i Historisë”, theksoi lideri kinez gjatë këtij takimi.